(pa titull)

Ra një shi që lagu qytetin;

Ishte i butë si flokët që lagu,

Ishte i rallë si njerëzit e rrugës,

Ishte i shkurtër si mendja e njerëzve.

“Vështroj nga dritarja dhe mendoj për y”

Do t’thoshte ndonjë poet romantik,

Ndërkohë që ca pika i bien në sy

Dhe natyrshëm, bëhet pak melankolik.

Duke kërkuar mes sysh të panjohur

Të njohurën time, që dua ta harroj,

Ndoshta pandërgjegjshëm, e nga vetmia i lodhur,

Po kërkoj dikë që ta dashuroj.

Poezitë që unë, unë aq shumë i dua,

Ndoshta nga ajo ç’ka s’dua të provoj,

I mbyll mospërfillës, sepse ato në mua

Zgjojnë ndjesi të vjetra, që s’mund t’i përballoj.

Dhe ky shi i butë, që nga përtej qelqit

Më fton t’i harroj poezitë e mia.

Por unë dashurinë s’ia blatoj dot dreqit,

Sado që, prej saj, sot po më lodh vetmia.

Pafundësisht të desha, padrejtësisht më çmende!

Shiu nuk më ndahet, por unë s’do të qaj,

Si ditën kur kuptova që s’e kam zemrën tënde,

Si mbrëmjen e së djeshmës dhe ditët para saj.

Kur mbrëmja të bjerë dhe sot, si çdo natë

Ndoshta dal në rrugë dhe pyes kalimtarët:

“A ishit këtu? Shiun, a e patë,

Që përpara syve ju lagu trotuarët?”

Ndoshta më thonë “Po!”, se ndoshta shi ishte,

Ose ndoshta thjesht ashtu desha unë.

Përse duhej shiu, këtë ditë ta prishte?

Të mos kishte rënë, kasha dashur shumë!

***

Kalimtarët shohin një poet të çmendur

Që i ikën shiut, me shiun mbi shpinë

Dhe që thërret fort, zogjtë duke i trembur:

“Më merrni, ju lutem, më mbyllni në çmendinë!”

Shikoj nga dritarja, në natën pa drita,

Poetin që shkruan dhe që kafshon gishtat,

Duke fshehur mbresat, që i pat lënë dita,

Duke fshehur ndjenjat, ato më të brishtat.

S’e di pse iu desh ky shi sot qytetit,

Por e di shumë mirë ç’i ndoshi një mikut tim;

Atij që vraponte e që qante; poetit:

Shkroi një poezi, për t’mos vdekur në trishtim.

Zymtinë e shpirtit, kapi ia veshi qiellit,

E lotët e syve i fali pa kursim.

Pastaj ra një shi rugëve të qytetit,

Që  i lagu njerëzit e çliroi mikun tim.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s